ხელნაკეთი აქსესუარების კომპანია "კოსმომ" პირველი ბრენდული მაღაზია გახსნა
პანდემიური კრიზისის შემდეგ, ხელნაკეთი აქსესუარების ქართული კომპანია "კოსმომ" პირველი ბრენდული მაღაზია გახსნა.
კომპანიამ შოურუმში შვილობილი ბრენდის „კოსმო ბეგს“-ის პროდუქცია წარადგინა.
„თუკი ერთხელ მაინც გიოცნებია დროში მოგზაურობასა და ისტორიასთან პირისპირ შეხვედრაზე, აუცილებლად უნდა მოხვიდეთ "კოსმოს" ჩანთების პირველ შოურუმში, რომელიც შთაგონებულია ეროვნული ისტორიის თემატიკით. "კოსმო" ძველი ქართული ელემენტების და თანამედროვეობის შერწყმით ქმნის უნიკალური დიზაინის ჩანთებს და აქსესუარებს, ვისთვისაც პიროვნების გამოხატვა მნიშვნელოვანია", - განმარტავს „კოსმოს“ დამფუძნებელი სოფიკო მუხულიშვილი.
მისივე თქმით, "კოსმომ" გააფართოვა წარმოება და დაამატა ჩანთების ხაზი - "კოსმო ბეგს".
"აქ ყველა ჩანთას თავისი უნიკალური ისტორია აქვს, კოლექციაში ცოცხლდება ძველი ქარული ანბანიდან დონი და თანი, ასევე ჩოხა და თამარის გვირგვინი. "კოსმოს" ჩანთების ორ მოდელს აქვს ოფიციალური დიზაინის რეგისტრაცია საქპატენტში. მაღაზიის გახსნასთან დაკავშირებით, სადაც ძირითადად წარმოდგენილია ქართული თემატიკის ჩანთები, ვიწყებთ კამპანიას #გააცოცხლეისტორია. ამავდროულად კამპანიის ფარგლებში ბევრ მნიშვნელოვან აქტივობას ვგეგმავთ ზაფხულის განმავლობაში,“ - განმარტავს სოფიკო მუხულიშვილი.
