ქართული ჩაი "ბუეთი" დიდ ბრიტანეთსა და გერმანიაშიც იყიდება

ქართული ჩაი „ბუეთი“ დიდ ბრიტანეთსა და გერმანიაშიც იყიდება. როგორც კომპანიის დამფუძნებელი ლადო ძნელაძე „ბიზნესპარტნორთან“ აცხადებს, წყალტუბოში წარმოებული ორგანული ჩაი უკვე გავიდა ევროპაში და  მასზე საკმაოდ დიდი მოთხოვნაა. 

ორგანული ჩაის მწარმოებელი კომპანია „ოკრიბას“ საკუთრებაშია ტყიბულის მუნიციპალიტეტში (სოფელი ბუათი, ცუცხვათი)  50 ჰა ჩაის პლანტაცია და  სოფელ საძირეში ჩაის და ხილის გადამამუშავებელი საწარმო.

„ჩაის პლანტაციებს სახელმწიფო პროგრამის ხელშეწყობით რეაბილიტაცია ჩავუტარეთ. საწარმოც სახელმწიფო პროგრამების ხელშეწყობით გავაკეთეთ. კომპანიამ „ბუეთის“ ბრენდით ორგანული  ჩაის წარმოება მიმდინარე წელს  დაიწყო,“- აცხადებს ძნელაძე.

პროექტის ღირებულება 2 მილიონი ლარია.

მისი განცხადებით, საწარმოს წარმადობა სეზონზე 24 ტონააა, თუმცა, ახლა კომპანია 9 ტონის წარმოებას გეგმავს. შპს „ოკრიბა“  „ბუეთის“ ბრენდით 6 სახეობის ჩაიას (დაფასოებული და დასაყენებელი)  აწარმოებს.  

როგორც ძნელაძე აღნიშნავს, ტყიბულში წარმოებული ჩაის რეალიზაცია ადგილობივ ბაზარზე რესტორნებსა და  ორ ქსელურ მარკეტში ხდება (გუდვილი, ევროპროდუქტი). „ბუეთი“ იყიდება „ნოსტეს“ ქსელშიც.