ქართული ბიზნესი ახლოს ევროპასთან - საკონსულტაციო მომსახურებით 48 კომპანიამ ისარგებლა

პროექტის ქართული ბიზნესი ახლოს ევროპასთან (GEclose2EU) ბიზნესის განვითარების საკონსულტაციო მომსახურებით 48 კომპანიამ ისარგებლა.

პროექტში მონაწილეობა მიიღო 48 ბენეფიციარმა კომპანიამ შემდეგი სფეროებიდან: არქიტექტურა და ინტერიერის დიზაინი, საინფორმაციო ტექნოლოგიები; ბიზნეს კონსალტინგი, საბავშვო ტანსაცმელის და სათამაშოების წარმოება.

პროექტის ფარგლებში კომპანიებში მივლენილი იყო ადგილობრივი და საერთაშორისო კონსულტანტები, რომლებმაც კომპანიის გუნდთან თანამშრომლობით, გაიარეს შემდეგი ეტაპები: კომპანიის საჭიროებების, გამოწვევების და შესაძლებლობების შესწავლა; სპეციფიური კვლევა და კონსულტაციები; პრაქტიკული რეკომენდაციების შემუშავება და წარდგენა.

როგორც პროექტის წარმომადგენლები ამბობენ, კომპონენტის შედეგად, კომპანიებმა გამოავლინეს ახალი შესაძლებლობები, რომლებიც ხელს შეუწყობს მათი საქმიანობის ადგილობრივ და საერთაშორისო ბაზრებზე გაფართოებას და კონკურენტუნარიანობის ზრდას.

პროექტი „ქართული ბიზნესი ახლოს ევროპასთან" (GEclose2EU) 2018 წლიდან დაიწყო. პროექტს „ეკონომიკური პოლიტიკის კვლევის ცენტრი" (EPRC) სააგენტო „აწარმოე საქართველოსთან“ თანამშრომლობით და შვედეთის მთავრობის მხარდაჭერით ახორციელებს. პროექტის მიზანია მცირე და საშუალო ბიზნესის მხარდაჭერა, მათი ცნობადობის გაზრდა ადგილობრივ და ევროპის ბაზარზე და ინტერნაციონალიზაციის ახალი შესაძლებლობების შექმნა. საკონკსულტაციო მომსახურების კომპონენტი 2020 წლის დეკემბრიდან დაიწყო.