"ქალაქური" გერმანიასა და დუბაიში ექსპორტს გეგმავს

თხილეულის და "სნექების" მწარმოებელი კომპანია „ქალაქური“ წლის ბოლომდე ექსპორტის განხორციელებას გეგმავს. განიხილება, გერმანიის და დუბაის ბაზრებთან თანამშრომლობა.

კომპანიის დამფუძნებელი მურად ღოღაძე „ბიზნესპარტნიორთან“ განმარტავს, რომ აღნიშნულ ქვეყნებთან მოლაპარაკებების წარმატებით დასრულების შემთხვევაში ექსპორტზე გავა როგორც თხილეული, ისე ჩირი.

კომპანია უახლოეს მომავალში ჩირის ასორტიმენტის გაზრდასაც გეგმავს.

“ქალაქურის“ ქარხანა წეროვანში მდებარეობს, წელიწადში დაახლოებით,  200 ტონამდე თხილს, ხოლო 80-100 ტონამდე ჩირს გადაამუშავებს. 

"ქალაქური" სამომხმარებლო ბაზარზე 2007 წლიდან ფუნქციონირებს და სადისტრიბუციო  ქსელის  საშუალებით  ადგილობრივ და იმპორტით შემოტანილ ნატურალურ  პროდუქციას აწარმოებს/ყიდის.  მათ შორისაა: ქართული თხილი (უნიკალური ჯიში „თითა”), ნუში, ფისტაშკა,  მიწის თხილი, გოგრის გული,  სხვადასხვა სახეობის ჩირები, როგორც ადგილობრივი, ასევე ახლო აღმოსავლეთის ქვეყნებიდან შემოტანილი, თხილისა და ჩირების ასორტი, თხილი ქიშმიშით, თხილი ჩირებით, მიწის თხილი სეზამით,  თაფლით და მარილით. პატარებისთვის - ბურბუშელა სიურპრიზით და განახლებული პოპკორნი, რომელიც მრავალფეროვანი შეფუთვებით იქცევს ყურადღებას.

ყველა პროდუქცია მომხმარებელს მიეწოდება როგორც წონით, ასევე  დაფასოებული -  200, 100, 140, 80 და 50 გრ-იან პაკეტებში.