ირაკლი ლექვინაძემ კონკურენციის უწყებების ხელმძღვანელთა შეხვედრაში მიიღო მონაწილეობა

საქართველოს კონკურენციის ეროვნული სააგენტოს თავმჯდომარემ, ირაკლი ლექვინაძემ ეკონომიკური თანამშრომლობისა და განვითარების ორგანიზაციის და უნგრეთის კონკურენციის რეგიონალური ცენტრის (OECD-GVH RCC) მიერ ორგანიზებულ, კონკურენციის უწყებების ხელმძღვანელ პირთა ონლაინ ფორმატში გამართულ შეხვედრაში მიიღო მონაწილეობა

ღონისძიება გახსნა OECD-ის კონკურენციის კომიტეტის თავმჯდომარემ, ფრედერიკ ჯენიმ. მონაწილეებს სიტყვით მიმართეს: ეკონომიკური თანამშრომლობისა და განვითარების ორგანიზაციის(OECD) დირექტორის მოადგილე ფინანსურ და საწარმოთა საკითხებში, ანტონიო გომესმა და კონკურენციის რეგიონალური ცენტრის ხელმძღვანელმა, რენატო ფერანდიმ.

სამუშაო შეხვედრის ფორმატში, მონაწილეებმა შემდეგი საკითხები განიხილეს- რეგიონული თანამშრომლობა: ტენდენციები და შესაძლებლობები; აღსრულება აღმოსავლეთ ევროპასა და ცენტრალურ აზიაში; მდგრადი განვითარება და კონკურენციის კანონმდებლობა და ა.შ.

შეხვედრას, საქართველოს კონკურენციის ეროვნული სააგენტოს მხრიდან, ასევე ესწრებოდა - პროექტების მართვისა და დონორებთან ურთიერთობის მენეჯერი, თამარ ჩაკვეტაძე.