ირაკლი კოვზანაძე: 18 სადაზღვევო კომპანიის აქტივები 8%-ით გაიზარდა, კაპიტალი 12%-ით

დაზღვევის სახელმწიფო ზედამხედველობის სამსახურის სამეთვალყურეო საბჭოს თავმჯდომარის, ირაკლი კოვზანაძის განცხადებით, 31 მაისის მდგომარეობით, 18 სადაზღვევო კომპანიის აქტივები 1.126 მლრდ ლარია,  რაც 8%–ით მეტი წინა წლის ანალოგიურ პერიოდთან შედარებით, ხოლო კაპიტალი გაზრდილია 12%–ით და 319,1 მლნ ლარს შეადგენს.

"2022 წლის 5 თვის განმავლობაში ფინანსურმა მოზიდულმა პრემიამ შეადგინა 399,5 მლნ. ლარი, რაც 10%–ით მეტია წინა წლის ამავე პერიოდის მონაცემზე.  19%-ით გაზრდილია ანაზღაურებული ზარალები და შეადგენს 186 მილიონ ლარს.  კომპანიების  სადაზღვევო მოგება 77.3 მლნ ლარია, ზრდა 14%–ია.  ხოლო წმინდა მოგება 9.4 მლნ ლარია",- განაცხადა ირაკლი კოვზანაძემ საბჭოს სხდომაზე. 

მან მოგების შემცირების მიზეზებიც განმარტა.

"წმინდა მოგების შემცირება სადაზღვევო მოგების ზრდის ფონზე გამოწვეულია ადმინისტრაციული ხარჯების ზრდით", - განაცხადა ირაკლი კოვზანაძემ.