ირაკლი გილაური Aqualia-ს კაპიტალდაბანდებაზე: ინვესტორები ენდობიან საქართველოს
ინვესტორები ენდობიან საქართველოს, - ასე აფასებს Georgia Capital-ის გენერალური დირექტორი წყალმომარაგების სექტორში ესპანური Aqualia-ს შემოსვლას.
ირაკლი გილაურის თქმით, ასეთი სოლიდური ინვესტიციის შემოდინება ნდობა არის როგორც საქართველოს მიმართ, ასევე მარეგულირებლის მიმართ.
"მნიშვნელოვანია, რომ ასეთ სტრატეგიულ ინვესტორთან დავპარტნიორდით, ეს იმას ნიშნავს, რომ ინვესტორებს აქვთ ნდობა საქართველოს და რეგულატორის მიმართ. ევროსტანდარტების რეგულაციები, რომელიც სემეკმა შემოიღო მნიშვნელოვანი იყო ამ ინვესტიციის შემოსვლისთვის. თავად Aqualia-ს შემოსვლით კი თბილისელ მომხმარებელს კიდევ უფრო მეტად გაუმჯობესდება წყალმომარაგება", - განაცხადა ირაკლი გილაურმა.
შეგახსენებთ, რომ Georgia Capital-მა მსხვილ ესპანურ კომპანიასთან გარიგება დაასრულა. ესპანურმა Aqualia-მ Georgia Capital-ის შვილობილი GGU-ში $180 მლნ-ის ინვესტიცია განახორციელა.
