იმერი: ჩინურ და თურქულ პროდუქციას ფასით კონკურენციას ვერ ვუწევთ

ქართულ სამკერვალო კომპანია „იმერს“ ადგილობრივ ბაზარზე ოპერირება არ უღირს.

როგორც „ბიზნესპარტნიორს“ კომპანიის გენერალური დირექტორის მოადგილე ზაზა გვენეტაძემ განუცხადა, ჩინურ და თურქულ  პროდუქციას აქ წარმოებული ფასით კონკურენციას ვერ უწევს.

მისი ინფორმაციით, იმპორტირებული პროდუქცია ძალიან იაფად იყიდება.

მისივე ინფორმაცით, ამჟამად კომპანია  ქალის სამოსს კერავს საერთაშორისო კომპანიებისთვის, მათ შორის Lebek-ისთვის და Marks&Spencer-ისთვის. საუბარია, ქალის სამოსზე, მათ შორის პალტოსა და ნახევარპალტოზე, კაბაზე, შარვალსა და პიჯაკზე. კომპანიის მიერ წარმოებული პროდუქცია სრულად ექსპორტზე გადის.

სამკერვალო ფაბრიკა „იმერს“ 90 წლის ისტორია აქვს, ბოლო 25 წლის განმავლობაში საწარმო უცხოელი შემკვეთებისათვის მუშაობს. პროდუქციის ძალიან მცირე ნაწილი ადგილობრივ ბაზარზეც (ქუთაისში) იყიდება.