ICR ჯგუფი ავეჯის და აქსესუარების პოლონური ბრენდის შემოყვანას გეგმავს

ICR ჯგუფი ავეჯის და აქსესუარების პოლონური ბრენდის შემოყვანას გეგმავს.  როგორც „ბიზნესპარტნიორს“ კომპანიის სამეთვალყურეო საბჭოს თავმჯდომარე კახა ხაზარაძემ განუცხადა, ბრენდის პირველი მაღაზია საქართველოში ოქტომბერში გაიხსნება. 

ხაზარაძის განცხადებით, ამჟამად ბრენდთან მოლაპარაკებები მიმდინარეობს. 

ICR ჯგუფი საცალო ბიზნესის სფეროში საქართველოში ერთ-ერთი ყველაზე დიდი კომპანიაა. ჯგუფმა ოპერირება ქართულ ბაზარზე 1993 წელს დაიწყო. ჯგუფი აერთიანებს ფეხსაცმლის, ტანსაცმლის, აქსესუარების, ავეჯის საერთაშორისო ბრენდებსა და კვების ობიექტებს.

ავეჯის ბაზარზე კომპანია წარმოდგენილია ბრენდებით: „ლაბორატორია ჩემი სახლი“ (საერთაშორისო კორპორაცია ICR-ის ავეჯის მიმართულების პირველი კომპლექსური პროექტია, რომელიც უზრუნველყოფს მომხმარებლის ნებისმიერი სურვილის, ინდივიდუალური თუ ინდუსტრიული პროექტის განხორციელებას), „მობლერი“ (წარმოდგენილი კოლექციების დიზაინი იქმნება ევროპაში და იწარმოება მსოფლიოს სხვადასხვა ქვეყანაში), KARE (გერმანული ბრენდი), „იტალიური შოურუმი ლაბორატორია“.

ICR ჯგუფმა მიმდინარე წლის მაისში შემოიყვანა  ავეჯის და აქსესუარების  თურქული კომპანია Mudo, გარე ავეჯის ფრანგული კომპანია Naterial-ი, განათების სისტემების ჰოლანდიური კომპანია lith&living-ი შემოიყვანა.