ჰუალინგის თიზ-ში მეწარმეები სპეციალური სალიზინგო პირობებით ისარგებლებენ
ჰუალინგის თავისუფალ ინდუსტრიულ ზონასა და ბბ ლიზინგს შორის არსებული პარტნიორობის შედეგად, დაინტერესებულ მეწარმეებს საშუალება ეძლევათ ისარგებლონ ჰუალინგ ჯგუფში შემავალი ამ ორი კომპანიის მიერ შექმნილი ერთობლივი უნიკალური შეთავაზებით.
როგორც ჰუალინგის თავისუფალ ინდუსტრიულ ზონაში აცხადებენ, შეთავაზებაში მოიაზრება ჰუალინგის თიზ-ში, საწარმოო პროექტებისათვის აუცილებელი მანქანა-დანადგარების ლიზინგის განსაკუთრებული პირობებით დაფინანსება და ბიზნესისთვის ინფრასტრუქტურულად მოწესრიგებულ საწარმოო სივრცეებით უზრუნველყოფა.
სამრეწველო სექტორისთვის, საწყისი კაპიტალდაბანდების სტრუქტურაში, შენობა-ნაგებობებთან ერთად მნიშვნელოვანი ადგილი უჭირავთ მანქანა-დანადგარებს.
შესაბამისად, აღნიშნული შეთავაზებით გამორჩეული შესაძლებლობა ეძლევათ, როგორც ექსპორტზე ორიენტირებულ ქართველ მეწარმეებს, ასევე უცხოელ ინვესტორებს დაიწყონ წარმოების პროცესი მინიმალური საწყისი დანახარჯებით, ხოლო ფინანსური რესურსების მობილიზება მოახდინონ მხოლოდ საბრუნავი საშუალებების შესაძენად.
ჰუალინგის თიზ-ი, გარდა იმისა რომ დაინტერესებულ ინვესტორებს სთავაზობს გადასახადებისგან თავისუფალ გარემოს, ასევე უზრუნველყოფს კომპანიებს მზა ინფრასტრუქტურით (მ.შ. სხვადასხვა ტიპის შენობა-ნაგებობების სახით (100 კვ.მ-დან 15 000 კვ.მ-დე), რომელიც იდეალურია როგორც ტრადიციული, შრომა ინტენსიური სამრეწველო სფეროებისთვის, ასევე თანამედროვე მაღალტექნოლოგიური საწარმოო სექტორისთვის.
ჰუალინგის თიზ-ში მოსული ინვესტორი ისარგებლებს შემდგომი პრივილეგიებით:
- გადასახადებისგან თავისუფალი გარემო.
- საწარმოო და სასაწყობე დანიშნულების მზა შენობა-ნაგებობების Მრავალფეროვანი არჩევანი კომუნიკაციებით.
- მორატორიუმები - გარკვეული პერიოდით შენობის საიჯარო გადასახადისგან კომპანიების გათავისუფლება.
- Პოსტ-პანდემიური შეთავაზება - შემცირებული საიჯარო ტარიფები
- ძირითადი საშუალებების დაფინანსების შესაძლებლობა ბბ ლიზინგის მიერ.
- სპეციალური შეთავაზებები საბანკო პროდუქტებსა და სერვისებზე ბაზის ბანკისგან.
- ადგილობრივი სერვისები - მათ შორის დახმარება სამუშაო ძალის შერჩევაში, წარმოშობის ქართული სერტიფიკატის მიღებაში, გარემოსდაცვით პროცედურებში, ადგილობრივა ლოჯისტიკა და ტვირთის დამუშავება.
თიზ-ში განმარტავენ, რომ წარმოდგენილი შეთავაზებები ჩამოთვლილი კომპონენტების გათვალისწინებით მნიშვნელოვან ხელშესახებ პირობებს ქმნის სხვადასხვა საწარმოო პროექტების წარმატებული სტრატაპისა და განვითარებისთვის.
