"გურჯაანის ნაყინი" დიაბეტურ ნაყინს ბაზარს 10 დღეში ისევ მიაწვდის

„გურჯაანის ნაყინის“ მწარმოებელი კომპანია შპს „აისის“ გენერალური დირექტორი გურამ ბერიკაშვილი „ბიზნესპარტნიორთან“ აცხადებს, რომ კომპანია 10 დღეში ბაზარს დიაბეტურ ნაყინს ისევ მიაწვდის.

„დიდი მოთხოვნიდან გამომდინარე ბევრი ვაწარმოეთ, შესაფუთი მასალა გამოგველია, შეკვეთილია და რამდენიმე დღეში თურქეთიდან  ჩამოვა. ამჟამად, დიაბეტური ნაყინი მხოლოდ ვანილის არომატით იწარმოება, მომავალის სეზონისვის კი სხვადასხვა არომატსაც დავამატებთ“-აცხადებს ბერიკაშვილი.  

მისი ინფორმაციით, ამ დროისთვის კომპანია 32 დასახელების სხვადასხვა ნაყინს უშვებს. რაც შეეხება გაყიდვებს, ის პანდემიამდელ მაჩვენებელს უკვე უახლოვდება.

შეგახსენებთ, რომ 50 წელზე მეტი გავიდა რაც გურჯაანის ნაყინი პირველად ჩამოისხა. საწარმოში 130-მდე ადამიანია დასაქმებული.