"გლდანი მოლის" ადმინისტრაციის 90% აცრილია
„გლდანი მოლის“ ადმინისტრაციის 90% აცრილია, - ამის შესახებ „ბიზნესპარტნიორს“ სავაჭრო ცენტრში განუცხადეს. მათი ინფორმაციით, კომპანიის მენეჯმენტში ჯამში 23 თანამშრომელია.
როგორც სავაჭრო ცენტრში აცხადებენ, „გლდანი მოლის“ ადმინისტრაციაში ყველას ნათლად აქვს გააზრებული ვაქცინაციის მნიშვნელობა, შესაბამისად, დამატებითი საინფორმაციო კამპანიების გამართვის აუცილებლობა არ დამდგარა.მათივე განცხადებით, უახლოეს მომავალში “გლდანი მოლის“ მენჯმენტი სრულად იქნება ვაქცინირებული.
„ამ ეტაპზე არ გვაქვს ინფორმაცია იმაზე, თუ სავაჭრო ცენტრში დასაქმებულების რა პრიოცენტია აცრილი. ვაპირებთ, მოვიძიოთ ზუსტი ინფორმაცია რადგან ჩვენთვისაც საინტერესოა. ამ თემაზე მუშაობა მიმდინარეობს. ჩვენ ყოველ კვირას ვუტარებთ მოლში მომუშავე ყველა თანამშრომელს PCR ტესტირებას,“-აცხადებენ „გლდანი მოლში“.
