"გიანთი ლოჯისტიკსი" ოქროს ბრენდის გამარჯვებულია

"გიანთი ლოჯისტიკსი" ოქროს ბრენდის გამარჯვებულია. 

საქართველოში ყველაზე პრესტიჟული და გავლენიანი ბიზნეს დაჯილდოება "ოქროს ბრენდის" ჯილდო წელს 50 კომპანიას გადაეცა.

მარკეტინგული კვლევის ცენტრ Global Idea-სა და გამომცემლობა The Financial-ის ორგანიზებით ჩატარებულ შეფასებაში ჩართულები იყვნენ ექსპერტები, საკონსულტაციო კომპანიები და მომხმარებლები. ექსპერტების კვლევის საგანს ბრენდის ცნობადობა და ხარისხი წარმოადგენდა.

ჯილდოების ნომინაციას შარშან „ნომერ პირველი ლოჯისტიკური და სატრანსპორტო კომპანიის“ ჯილდო დაემატა და ლიდერ კომპანიად ზედიზედ მეორედ "გიანთი ლოჯისტიკსი" დასახელდა.

„გიანთი“ მომხმარებლებს სთავაზობს ყველა ტიპის ლოჯისტიკურ მომსახურებას: საჰაერო, საგზაო, საზღვაო და სარკინიგზო გადაზიდვებს. განსაკუთრებით კი გამოირჩევა არაგაბარიტული ტვირთების დამუშავების მრავაწლიანი გამოცდილებით. კომპანიას 17 წელი შეუსრულდა და ამ ეტაპზე წარმოდგენილია: 200 თანამშრომლით, 100 ერთეული სატრანსპორტო ტექნიკით, საბაჟო საწყობით ფოთში, ოფისებით საქართველოში: თბილისში, ზესტაფონში, ფოთსა და ბათუმში, ასევე ქვეყნის გარეთ: აზერბაიჯანში, უზბეკეთსა და ესტონეთში.

როგორც „გიანთის“ წარმომადგენლებმა აღნიშნეს: არ გამოირჩევიან აქტიური მარკეტინგული საქმიანობით და სწორედ ამიტომ აღნიშნული ჯილდოს მიღება ყველა გიანთელისთვის ორმაგად სასიხარულოა.