"ღვარძელაშვილის მარნის" ღვინო საფრანგეთსა და იტალიაში გაიყიდება

“ღვარძელაშვილის მარნის“ დამფუძნებელი გიორგი ღვარძელაშვილი 2021 წლის ბოლომდე ღვინოს საფრანგეთსა და იტალიაში გაიტანს. ამ დროისთვის ამ ქვეყნებთან მოლაპარაკებები მიმდინარეობს.

ფერმერი მიმდინარე წელს მარანში 6 500 ბოთლის წარმოებას გეგმავს, რომლის უდიდესი ნაწილი საექსპორტოა. „საფრანგეთიდან იყვნენ ჩამოსული, წაიღეს ნიმუშები, ტესტები გაგზავნილია იტალიაშიც. ამ დროისთვის ფასზე შეთანხმება მიმდინარეობს“, - აცხადებს ღვარძელაშვილი.  

მისი ინფორმაციით, ადგილობრივად ღვინო მხოლოდ ორ ღვინის ბარში იყიდება. ექსპორტიორ ქვეყნებს შორისაა ამერიკა, გერმანია, ჩეხეთი, პოლონეთი და ჰოლანდია. 

თელავის რაიონის სოფელ  კონდოლში, 5 ჰექტარ მიწის ფართობზე, ღვარძელაშვილი 3 დასახელების ბიო ღვინოს - საფერავს, კონდოლურს და ჟღიას აწარმოებს.

„ღვარძელაშვილის მარანი“ ღვინოს 2014 წლიდან აწარმოებს.