Gepherrini-ს პროდუქცია TAOBAO-სა და Tmall-ზე წლის ბოლოდან გაიყიდება
პანდემიის გამო Gepherrini-ს პროდუქციის ჩინურ ონლაინ პლატფორებზე გატანა დაუპაუზდა, თუმცა, როგორც კომპანიის დამფუძნებელი ილია გეფერიძე „ბიზნესპარტნიორთან“ აცხადებს, დიდი ალბათობით, პროექტი დაიძვრება და 2021 წლის ბოლომდე Gepherrini–ს პროდუქცია ჩინურ ონლაინ პლატფორმა TAOBAO-სა და Tmall-ზე გაიყიდება.
მისივე განმარტებით, ონლაინ პლატფორმების გარდა, ქართული პროდუქცია ჩინურ ბაზარზე, სავაჭრო ცენტრებშიც გაიყიდება.
2014 წელს დაფუძნებული Gepherrini ქალის, მამაკაცისა და ბავშვის ჩანთების გარდა სამაჯურებს, სამგზავრო ჩანთებს, ტყავის ქამრებს და საფულეებს აწარმოებს.
TAOBAO ჩინეთის ონლაინ მაღაზიების პლატფორმაა და მსოფლიოში ყველაზე დიდი კომერციული ვებ-გვერდი.
Tmall-იც ჩინეთის ადგილობრივი და საერთაშორისო ბიზნესის პლატფორმაა, სადაც სხვადასხვა ბრენდის პროდუქცია იყიდება. ვებ-გვერდს წლის განმავლობაში 500 მილიონზე მეტი აქტიური მომხმარებელი ჰყავს.
