Gepherrini ონლაინ პლატფორმა Tmall-ზე პროდუქციას 2 კვირაში გაგზავნის
Gepherrini პროდუქციას ჩინურ ონლაინ პლატფორმა Tmall-ზე გასაყიდად 2 კვირაში გაგზავნის.
კომპანიის დამფუძნებელი ილია გეფერიძე „ბიზნესპარტნიორთან“ აცხადებს, რომ შეკვეთა უკვე მიღებულია და პირველი პარტიაც გაიგზავნება. ტრანსპორტირებას 1 თვე დასჭირდება.
მისივე განცხადებით, მიმდინარეობს მოლაპარაკებები ჩინურ ონლაინ პლატფორმა Taobao-სთანაც.
მისივე განცხადებით, კომპანია პანდემიის შემდეგ ეტაპობრივად იბრუნებს საექსპორტო ქვეყნებს. იხსნება ჩინეთის ბაზარი, კომპანიის პროდუქცია უკვე იყიდება ისრაელშიც. ჯამში, Gepherrini-ს პროდუქუცია 10-ზე მეტ ქვეყანაში იყიდება.
2014 წელს დაფუძნებული Gepherrini ქალის, მამაკაცისა და ბავშვის ჩანთების გარდა სამაჯურებს, სამგზავრო ჩანთებს, ტყავის ქამრებს და საფულეებს აწარმოებს.
შეგახსენებთ, Tmall-ი ჩინეთის ადგილობრივი და საერთაშორისო ბიზნესის პლატფორმაა, სადაც სხვადასხვა ბრენდის პროდუქცია იყიდება. ვებ-გვერდს წლის განმავლობაში 500 მილიონზე მეტი აქტიური მომხმარებელი ჰყავს.
Taobao-ც ჩინეთის ონლაინ მაღაზიების პლატფორმაა და მსოფლიოში ყველაზე დიდი კომერციული ვებ-გვერდი.
