Georgian Bicycle Group: ველოსიპედების გაქირავების სერვისზე მოთხოვნამ მოლოდინს გადააჭარბა
Georgian Bicycle Group-ის ხელმძღვანელის ბექა კიკნაველიძის ინფორმაციით, სამთო ტურიზმისთვის საჭირო ველოსიპედების გაქირავებაზე მოთხოვნამ მოლოდინს გადააჭარბა.
„პანდემიის შემდეგ ტურიზმის თვალსზრისით რომ რაიმე აქტივობა იქნებოდა ამის მოლოდინი არ გვქონდა. გადარჩენაზე ვიყავით ეს ორი წელი, ახლა კი შემოსავალი 2019 წლის მაჩვენებელს არ ჩამოუვარდება,“-აცხადებს კიკნაველიძე.
როგორც Georgian Bicycle Group-ის ხელმძღვანელი „ბიზნესპარტნიორთან“ განმარტავს, კომპანია ველოსიპედებს აქირავებს როგორც კორპორატიული ტურებისთვის, ისე საცალო შემთხვევაში. Georgian Bicycle Group-ი თანამშრომლობს ტურისტულ კომპანიებთანაც.
რაც შეეხება ფასებს, Georgian Bicycle Group-ში სამთო ტურიზმისთვის საჭირო ველოსიპედის ქირაობა 7-10 ლარს შეადგენს (1სთ-ში), დღეში კი მისი ფასი 50 ლარამდეა. 1 თვიანი აბონიმენტის შეძენა 300 ლარის ღირებულებისაა.
შეგახსენებთ, რომ Georgian Bicycle Group-ი (მათივე შვილობილი კომპანია,მაღაზია BIKES.GE) 2011 წელს დაარსდა და იყო პირველი, რომელმაც მომხმარებელს შესთავაზა სპეციალიზებული ველო მაღაზია პროფესიონალური, იმპორტირებული ველოსიპედების ფართო არჩევანით. Bikes.ge-ს თბილისში ამჟამად ერთი ფილიალი აქვს ვაკეში.
