გაორმაგებული ექსპორტი - სად იყიდება ქართული ფეროშენადნობები

საქართველოდან ფეროშენადნობების ექსპორტი თითქმის გაორმაგებულია.

იანვარ-თებერვალში საექსპორტო ბაზრებზე 100.5 მლნ დოლარის ფეროშენადნობები გავიდა. მაჩვენებელი გაზრდილია პანდემიამდელ, 2019 წლის იანვარ-თებერვალთან შედარებითაც, როდესაც სულ ექსპორტმა 42.4 მლნ დოლარს მიაღწია.

ფეროშენადნობების წილი საექსპორტო კალათაში ერთ წელში 10.6%-დან 13.2%-მდეა გაზრდილი.

ქართული ფეროშენადნობების უმსხვილესი საექსპორტო ბაზარი აშშ-ია, სადაც 2 თვეში 36 მლნ დოლარის პროდუქციაა გაყიდული, რუსეთში 33 მლნ დოლარის, თურქეთი კი მესამე ადგილზეა 10.6 მლნ დოლარით.

საექსპორტო ბაზრებს შორისაა უკრაინა (7.8 მლნ დოლარი), იტალია (3.6 მლნ დოლარი), საფრანგეთი (3.1 მლნ დოლარი), ესპანეთი (1.6 მლნ დოლარი), ვენესუელა (0.5 მლნ დოლარი), ნორვეგია (0.4 მლნ დოლარი), მოლდოვა (0.3 მლნ დოლარი), შვეიცარია (0.13 მლნ დოლარი).