“ფსკერზე არ ვართ, ვტივტივებთ“ - ლაშა პაპაშვილი 2020 წელს აჯამებს
ბიზნესმენი, „რედიქს ჯგუფის“ დამფუძნებელი ლაშა პაპაშვილი 2020 წელს „ბიზნესპარტნიორთან“ აჯამებს და აცხადებს, რომ ეს წელი ურთულესი იყო, რადგან კორონავირუსის პანდემიას თან დაერთო ლარის გაუფასურება, რამაც ბიზნესზე საკმაოდ ნეგატიურად იმოქმედა.
„ფსკერზე არ ვართ, ვტივტივებთ“ - ლაშა პაპაშვილის განცხადებით,დღეს ბიზნესი სწორედ ამ მდგომარეობაშია.
მისი შეფასებით, მთავარია ის, რომ 2020 წელი უკვე დასასრულს მიუახლოვდა, უკან არის. გამოჩნდა ვაქცინა, შედარებით გამყარდა ლარი და ეს ტენდენცია აუცილებლად შენარჩუნებულ უნდა იქნას.
„ეროვნულმა ბანკმა უნდა შეინარჩუნოს ეს. ახლა რეზერვების დრო არ არის. რეზერვები სწორედ იმისთვის იქმნება, რომ უკუდურესად კრიტიკულ დროს გამოიყენოს ქვეყანამ. ბიჭები კაბინეტებიდან ვერ გრნობენ რამდენად მტკივნეულია, როდესაც კოტრდება კომპანია, ეს არის ათასობით დაკარგული სამუშაო ადგილი. მთლიანი შიდა პროდუქტი, რომელსაც ძლივს ვქმნით, არ უნდა დავკარგოთ,“ - აცხადებს პაპაშვილი.
მისივე განმარტებით, წელს ყველაზე მეტად HoReCa სექტორი დაზარალდა, ეს სექტორი პრაქტიკულად ნულზეა.
