ბიზნესი
09/02/2022
ფრიდონ ინჯიას კომპანია CGC-ში წილის 87%-მდე გაზრდას გეგმავს
საკომუნიკაციო კომპანია “სისტემ-ნეტი“ „საქართველოს ცენტრალური კავშირგაბმულობის კორპორაციაში” წილის გაზრდას გეგმავს.
„სისტემ ნეტის“ მიერ CGC-ში 38%-იანი წილის შეძენის საკითხს კომუნიკაციების კომისია ხუთშაბათის სხდომაზე განიხილავს.
ინტერნეტ-პროვაიდერ „სისტემ-ნეტში“ მსხვილი აქციონერები ფრიდონ ინჯია და მისი ოჯახის წევრები არიან. კომპანია უკვე ფლობს „საქართველოს ცენტრალური კავშირგაბმულობის კორპორაციის“ 49%-იან წილს. თუ გარიგებაზე კომისია თანხმობას განაცხადებს, წილის 87%-მდე შევსება მოხდება.
CGC კერძო სატელეკომუნიკაციო კომპანიაა, რომელიც ბერძნული და ქართული მხარეების მიერ 1995 წელს დაარსდა და ოპერირებს რუსთავში. ამჟამად მოსახლეობას აწვდის ინტრნეტს, საკაბელო და ციფრული ტელევიზიის სერვისებს.
