დავით კენჭაძე: იპოთეკურ სესხებზე რეგულაციები უნდა შემსუბუქდეს
DK Capital-ის გენერალური დირექტორი დავით კენჭაძე „ბიზნესპარტნიორთან“ აცხადებს, რომ იმისთვის, რომ ქვეყანაში უძრავი ქონების ბაზარი განვითარდეს და სექტორი უცხოური ინვესტორებისთვისაც მიმზიდველი გახდეს, იპითეკურ სესხებზე რეგულაციები უნდა შემსუბუქდეს.
„ზოგადი ჭარბვალიანობიდან გამომდინარე, შეიძლება იყოს შეზღუდვები სხვა ტიპის სესხებზე. ბანკებს დიდი შესაძლებლობები უნდა მიეცეს, რადგან ისინი მზად არიან დიდი რაოდენობით იპოთეკური კრედიტი გასცენ. ეს საბოლოოდ ეკონომიკური ზრდის მასტიმულირებელი იქნება,“ - აცხადებს კენჭაძე.
DK Capital-ის გენერალური დირექტორი უძრავი ქონების ბაზრის განვითარებისთვის აუცილებელ პირობად მუნიციპალიტეტებში ბიუროკრატიული პროცესების მინიმუმამდე შემცირებას და მათ ტექნოლოგიურად განვითარებას ასახელებს.
„რაიმეს შეთანხმება საკმაოდ დიდ დროსთან არის დაკავშირებული. ეს სერვისი უნდა იყოს უფრო მეტად დახვეწილი, მათ შორის, თანამედროვე და ტექნოლოგიურად გამართული. მოთხოვნა უძრავ ქონებაზე, მშენებლობასა და ახალი მიმართულების განვითარებაზე არის, ბევრს უნდა ამ მიმართლებაში ფულის ჩადება,“ - აცხადებს კენჭაძე.
მისივე ინფორმციით, უძრავი ქონების ბაზრის განვითარებისთვის სახელწიფოებრივი ხედვაც აუცილებელია. მათ შორის, აქცენტი უნდა გაკეთდეს თბილისის გარშემო ტერიტორიებზე, რომელიც დღეს არ არის ათვისებული.
