COVID-რეგულაციების დარღვევისთვის 50 433 ობიექტიდან 6018-ს საქმიანობა შეუჩერდა, 49 დაჯარიმდა

შრომის ინსპექციის მიერ შემოწმებული 138 ობიექტიდან 90 ობიექტზე ზეპირსიტყვიერი გაფრთხილება გაიცა. შრომის პირობების ინსპექტირების დეპარტამენტის უფროსის განცხადებით, დადგინდა რომ 48 ობექტი პროტოკოლით განსაზღვრული მოთხოვნების შესაბამისად ფუნქციონირებდა.

ამასთან მისივე ინფორმაციით, 2020 წლის 28 ნოემბრიდან ჯამში შემოწმებულია 50 433 ობიექტი, რომელთაგან 28 392-ის მიმართ გაიცა სარეკომენდაციო ხასიათის გაფრთხილება. 6018-ს შეუჩერდა საქმიანობა, 49 ობიექტი კი დაჯარიმდა.

რაც შეეხება იმ ობიექტებს, რომლებსაც 1-ელი თებერვლიდან საქმიანობის განახლების უფლება აქვთ. ბექა ფერაძის განმარტებით შესაბამის პორტალზე 28 იანვრის მონაცემებით, 43 სავაჭრო მოლია რეგისტრირებული.

„პორტალზე დარეგისტრიერებული 43 სავაჭრო მოლიდან 13 უკვე შემოწმებულია და აკმაყოფილებს მოთხოვნებს. მათ გატესტეს თანამშრომელთა 20%. მონაცემები ყოველდღიურად იცვლება და ჩვენ გვაქვს მოლოდინი რომ მათი აბსოლუტური უმრავესობა ამ პროცესს მზად შეხვდება,“ - განაცხადა ბექა ფერაძემ.