ბიზნესი
06/09/2022
ჩაი "ბუეთის" მწარმოებელმა ჩირის წარმოება დაიწყო
ჩაი „ბუეთის“ მწარმოებელმა ჩირის წარმოება დაიწყო.
როგორც „ბიზნესპარტნიორს“ მწარმოებელი კომპანია „ოკრიბას“ დამფუძნებელმა ლადო ძნელაძემ განუცხადა, „ჯორჯიან გრინ ველის“ ბრენდით ჩირის წარმოება სატესტოდ დაიწყო.
ძნელაძის ინფორმაციით, იწარმოება 2 დასახელების ჩირი, სამომავლოდ დაგეგმილია როგორც ასორტიმენტის გაფართოება, ისე ხარისხის დახვეწა. უკვე ამის შემდეგ დაიწყება ადგილობრივი და საერთაშორისო ბაზრისთვის შეთავზების პროცესი.
ძნელაძის ინფორმაციით, პროექტში $150 000-ის ინვესტიცია ხორციელდება.
შეგახსენებთ, ორგანული ჩაის მწარმოებელი კომპანია „ოკრიბას“ საკუთრებაშია ტყიბულის მუნიციპალიტეტში (სოფელი ბუათი, ცუცხავთი) 50 ჰა ჩაის პლანტაცია და სოფელ საძირეში ჩაის და ხილის გადამამუშავებელი საწარმო.
