ბიზნესი
27/06/2022
ჩაი "ბუეთის" მწარმოებელი ჩირის წარმოების დაწყებას გეგმავს
ჩაი „ბუეთის“ მწარმოებელი ჩირის წარმოების დაწყებას გეგმავს.
როგორც „ბიზნესპარტნიორს“ მწარმოებელი კომპანია „ოკრიბას“ დამფუძნებელმა ლადო ძნელაძემ განუცხადა, „ჯორჯიან გრინ ველის“ ბრენდით ჩირის წარმოება შემოდგომიდან დაიწყება.
ძნელაძის ინფორმაციით, უკვე შეძენილია მანქანა-დანადგარები. პროექტში $150 000-ის ინვესტიცია ხორციელდება.
შეგახსენებთ, ორგანული ჩაის მწარმოებელი კომპანია „ოკრიბას“ საკუთრებაშია ტყიბულის მუნიციპალიტეტში (სოფელი ბუათი, ცუცხავთი) 50 ჰა ჩაის პლანტაცია და სოფელ საძირეში ჩაის და ხილის გადამამუშავებელი საწარმო.
