ბოტანიკური სასმელი "კაი" დიაბეტური ხაზის ამოქმედებას გეგმავს
პირველი ქართული ბოტანიკური სასმელი „კაი“ დიაბეტური ხაზის ამოქმედებას გეგმავს.
როგორც კომპანიის დირექტორი გიორგი ჯირკვალიძე „ბიზნესპარტნიორთან“ აცხადებს,პროექტის დაწყების კონკრეტული თარიღი უცნობია, რადგან ყველაფერი ფინანსების მოძიებაზეა დამოკიდებული.
შეგახსენებთ, გამაგრილებელი სასმელი ქართველი მეცნიერების მიერ შემუშავებული ფორმულით შეიქმნა და ალპური კავკასიონის 16 მცენარისგან არის დამზადებული. გაზირებული-გამაგრილებელი სასმელის წარმოება პანდემიის პერიოდში, 2020 წლის სექტემბრიდან დაიწყო.
კომპანიის ხელმძღვანელი ადგილობრივ ბაზარზე გაყიდვებით კმაყოფილია.
პროექტის საინვესტიციო ღირებულება დაახლოებით 10 მლნ დოლარია. საწყის ეტაპზე კომპანია 50 ადამიანს ასაქმებს. „შეცვალე ქიმია ბოტანიკით“ ბრენდის მთავარი დევიზია და ეტაპობრივად ბაზარს ახალ პროდუქტებს შესთავაზებს. ამჟამად „კაის“ პროდუქცია საქართველოს მასშტაბით, დიდ ქსელურ მარკეტებში იყიდება.
