ბიზნესის ბრუნვამ მეორე კვარტალში პანდემიამდელ მაჩვენებელს გადააჭარბა

ბიზნესში გამოცოცხლებაა, გაუმჯობესებულია ბრუნვისა და წარმოების მაჩვენებლები.

სექტორის ბრუნვა 2021 წლის II კვარტალში გაუმჯობესებულია არა მხოლოდ პანდემიურ 2020 წელთან, არამედ პრეკოვიდურ მაჩვენებელთან შედარებით.

საქსტატის მონაცემებით, გასული წლის შესაბამის პერიოდთან შედარებით კომპანიების ბრუნვა 56.7%-ით გაიზარდა, 2019 წლის მეორე კვარტალთან შედარებით კი 11.5%-ით არის გაზრდილი და 35 მლრდ ლარს აღწევს.

ბიზნეს სექტორმა 13.2 მლრდ ლარის პროდუქცია გამოუშვა, წლიურად მაჩვენებელი 43.4%-ით არის გაზრდილი, 2019 წლის ანალოგიურ პერიოდთან შედარებით კი თითქმის 18%-ით.

ბრუნვის 61.4% მოდის მსხვილ ბიზნესზე, 18.2% - საშუალოზე, 20.4% - მცირე ბიზნესზე ნაწილდება.

რაც შეეხება პროდუქციის გამოშვებას, 45.9% მოდის მსხვილ ბიზნესზე, საშუალოზე - 27.1%, მცირე ბიზნესზე - 27%.

საწარმოებმა 19.2 მლრდ ლარის (+48.5%) საქონელი და მომსახურება შეიძინა, გადასაყიდად განკუთვნილი საქონლისა და მომსახურების ყიდვებმა 11.8 მლრდ ლარი შეადგინა (+52%-ით).