ბიზნეს სექტორში დასაქმებულთა რაოდენობა 660 000-მდე გაიზარდა

პანდემიის ფონზე ბიზნესში დასაქმებულთა მკვეთრად შემცირებული რაოდენობის შემდეგ, ზრდა შეინიშნება.

საქსტატის მონაცემებით, 2021 წლის II კვარტალში ბიზნესი 660 000 ადამიანს ასაქმებს, მაჩვენებელი წლიურად 4.4%-ით არის გაზრდილი, 6%-ით კი პირველ კვარტალთან შედარებით.

აღსანიშნავია, რომ მაჩვენებელი მცირედით, 2.1%-ით არის გაზრდილი 2019 წლის მეორე კვარტლის მონაცემებთან შედარებით.

ბიზნესში დაქირავებულია 623 700 ადამიანი (+4% წწ). საწარმოთა მთლიანი დანახარჯები პერსონალზე - 2.648 მლრდ ლარია (+22.9% წწ).