ბიზნესი
15/02/2022
ბინადარი: შეჩერებული პროექტების განხორციელებას ვგეგმავთ
დეველოპერული კომპანია „ბინადარის“ აღმასრულებელი დირექტორი გოგა ტალახაძე „ბიზნესპარტნიორთან“ აცხადებს, რომ მიმდინარე წელს ახალი პროექტების დაწყებას გეგმავს. საუბარია, საცხოვრებელი ტიპის კორპუსების მშენებლობაზე.
მისი განცხადებით, ეს ის პროექტებია, რომელიც 2020-2021 წელს ეპიდემიოლოგიური მდგომარეობის გამო შეჩერებული იყო. ტალახაძის ინფორმაციით, პანდემიას ხალხი უკვე შეეჩვია, ტრანზაქციების რაოდენობაც მზარდია, ეს კი ახალი ინვესტიციების დაგეგმვის საშუალებას იძლევა.
„პანდემიას აღარ ვუყურებ, შეიძლება ამ პირობებში 1 და 2 წელი კიდევ ვიცხოვროთ. ამიტომ აუცილებლად უნდა გავაკეთოთ საქმე. თუ ადრე 10 ბინას ვყიდიდი, ახლა 3-4 ბინას ვყიდი და ამაზე ვარ აწყობილი,“ - აცხადებს ტალახაძე.
