ბავშვის სამოსის მწარმოებელი ქართული კომპანიების პროდუქციით ისრაელი და ალბანეთი დაინტერესდა
ბავშვის სამოსის მწარმოებელი ქართული კომპანიების პროდუქციით ისრაელი და ალბანეთი დაინტერესდა - კომპანიებმა ამ ქვეყნებიდან დაკვეთები უკვე მიიღეს.
შეთანხმებას ქართულმა კომპანიებმა ფლორენციაში გამართულ პრესტიჟულ საერთაშორისო გამოფენა Pitti Immagine Bimbo 2022-ზე მიაღწიეს.
საერთაშორისო ბაიერებით დატვირთული გამოფენა ქართველი მონაწილეებისთვის წარმატებული გამოდგა. ქართულმა ნაწარმმა განსაკუთრებული ყურადღება დაიმსახურა ისეთი ქვეყნებიდან, როგორებიცაა იტალია, არაბთა გაერთიანებული არაბული საემიროები, ისრაელი და ა.შ. საქართველოში დამზადებული ტანისამოსის შესახებ საერთაშორისო მედიაშიც დაიწერა.
Pitti Immagine Bimbo ყოველწლიურად 10 000 ვიზიტორი სტუმრობს. ღონისძიებაში 500-მდე საერთაშორისო ბრენდი იყებს მონაწილეობას. გამოფენას ყოველთვის ესწრებიან მსხვილი ბრენდების წარმომადგენლები და მულტინაციონალური ვიზიტორები.
ბავშვის ტანსაცმლის ქართულმა კომპანიებმა გამოფენაში მონაწილეობა „აწარმოე საქართველოში“ ხელშეწყობით შეძლეს.
