ბიზნესი
02/09/2021
ბათუმში პოლიტექნიკური ინსტიტუტის მიმდებარე ტერიტორიის განვითარება იგეგმება
მთავრობა ბათუმში პოლიტექნიკური ინსტიტუტის მიმდებარე ტერიტორიის განვითარებისთვის ინვესტორს ეძებს.
ამ მიზნით სახელმწიფო პროგრამა „100 საინვესტიციო შეთავაზება ბიზნესს“ ფარგლებში, ბათუმში, ზ.გორგილაძის ქუჩის ბოლოს, პოლიტექნიკური ინსტიტუტის მიმდებარედ არსებული 2298 კვ.მ. მიწის ნაკვეთი ელექტრონულ აუქციონზე იყიდება.
უძრავი ქონების საწყისი ფასი 3.6 მლნ ლარია, ბიჯი 5000 ლარით განისაზღვრება.
აუქციონის პირობების მიხედვით, გამარჯვებულმა ნასყიდობის ხელშეკრულების გაფორმებიდან 4 წელში სასტუმრო ან კომერციული საოფისე დანიშნულების ფართები უნდა ააშენოს.
აუქციონში გამარჯვებული 14 სექტემბერს გამოვლინდება.
