ბათუმში Hauck-ის ბრენდის მაღაზიის გახსნა გაურკვეველი ვადით გადაიდო

საბავშვო პროდუქციის მაღაზიათა ქსელ Hauck-ის გაფართოების გეგმები გაურკვეველი ვადით გადაიდო.

როგორც „ბიზნესპარტნიორს“ კომპანიის დირექტორმა მალხაზ სამხარაძემ განუცხადა, რომ არა პანდემია, კომპანიას 2021-2022 წლებში დაგეგმილი ჰქონდა Hauck-ის ბრენდის 2 მაღაზიის გახსნა, აქედან ერთის ბათუმში.

საქართველოში გერმანული კომპანია Hauck-ის  დირექტორი  განმარტავს, რომ ახლა არა თუ გაფართოებაზე, არამედ გადარჩენაზეა საუბარი, კომპანიის გაყიდვები პანდემიამდელ მაჩვენებელს დაახლოებით 25-30%–ით ჩამორჩება. კომპანიამ არსებული ორი მაღაზიიდან ერთი დახურა.

გერმანული კომპანია Hauck-ი 95 წელია საბავშვო პროდუქცას აწარმოებს, დამზადებულია ანტიალერგიული მასალებით და ჯანმრთელობისთვის უსაფრთხოა. პროდუქციას შორისაა: ეტლები, სკამ მაგიდები, მანეჟები და სხვა. ბრენდი 50 ქვეყანაში იყიდება. საქართველოში კი მას 2007 წლიდან  კომპანია „გი&ნი“ წარმოადგენს. კომპანია საქართველოში 3 გერმანულ ბრენდს  - Hauck-ის, Altabebe-ს და Osann-ს აერთიანებს.