"ბანკის მიღმა, საქართველოს მიღმა" - Global Finance-ის ინტერვიუ TBC ბანკის გენერალურ დირექტორთან
Global Finance-ი TBC ბანკის გენერალური დირექტორთან, ვახტანგ ბუცხრიკიძესთან ინტერვიუს აქვეყნებს.
როგორც ავტორიტეტული ფინანსური გამოცემა თიბისი ბანკის შესახებ წერს, თბილისში პირველი ფილიალის გახსნიდან სამი ათწლეულის შემდეგ, საქართველოს წამყვანი ფინანსური ინსტიტუტი ჩამოყალიბდა, როგორც მოწინავე ტექნოლოგიებზე ორიენტირებული კომპანია შეუდარებელი პროდუქტებითა და სერვისებით, რომლებიც საქართველოს გლობალურ ინოვაციურ რუკაზე ათავსებენ.
Global Finance-თან ინტერვიუში ვახტანგ ბუცხრიკიძე ამბობს, რომ ლონდონის საფონდო ბირჟაზე რეგისტრირებული TBC Bank Group PLC არის ტექნოლოგიებზე ორიენტირებული კომპანია, რომლის მისიაა ადამიანების ცხოვრება ხარისხიანი სერვისებითა და პროდუქტებით გაუადვილოს.
გამოცემა წერს, რომ ბანკი საქართველოს ზრდასრული მოსახლეობის დაახლოებით 92%-ს ემსახურება, TBC მნიშვნელოვან როლს ასრულებს საქართველოს ეკონომიკაში, რომელიც მთლიანი აქტივების 40%-ს მშპ-ში და 28.2%-ს სესხების მშპ-ში იღებს და აქვს წამყვანი ბაზრის წილი საქართველოს სესხებსა და დეპოზიტებში, შესაბამისად, 38.1% და 37.8%.
"TBC-ს აქვს დომინანტური პოზიციები, რომელიც შედგება საცალო, კორპორატიული, მიკრო, მცირე და საშუალო საწარმოებისგან (MSMEs), ფინანსური სერვისების სპექტრით, მათ შორის ტრადიციული საბანკო და მომხმარებელზე ორიენტირებული ინოვაციური გადაწყვეტილებებით. ეკონომიკური ზრდის სტიმულირებისთვის, TBC-ს აქვს რამდენიმე ფართომასშტაბიანი პროგრამა, რომელიც მხარს უჭერს მეწარმეებს, განვითარებად კომპანიებს და ჩამოყალიბებულ ბიზნესებს. ჩვენი პროგრამა „სტარტაპერი“ 34 800-ზე მეტ რეგისტრირებულ კომპანიას მოიცავს.
თიბისი საქართველოში ასევე წამყვანი დამსაქმებელია. მე ნამდვილად ვამაყობ ჩვენი გუნდით და წლების განმავლობაში მათი მიღწევებით. ტექნოლოგიებში ჩვენი ღრმა ინვესტიციით, ვავითარებთ საქართველოს ტექნიკურ ნიჭს და ხელს ვუწყობთ ინოვაციურ აზროვნებას: ჩვენი თანამშრომლების 10% ჩვენი ტექნიკური გუნდის ნაწილია," – აღნიშნავს ვახტანგ ბუცხრიკიძე.
მისივე თქმით, თიბისი არის CSR ლიდერი საქართველოში ფართომასშტაბიანი, მაღალი გავლენის მქონე ინიციატივებით, რომლებიც ორიენტირებულია საზოგადოებაში პოზიტიური ცვლილებების მოტანაზე.
"მოხარულნი ვართ, რომ მნიშვნელოვანი როლი ვითამაშოთ საქართველოს კულტურული მემკვიდრეობის პოპულარიზაციასა და შენარჩუნებაში საერთაშორისო ორგანიზაციებთან პარტნიორობითა და პროექტებით, რომლებიც პატივს სცემენ ჩვენი ქვეყნის მდიდარ ისტორიას. უფრო მეტიც, ESG არის ჩვენი ბიზნესის ცენტრში. ვთანამშრომლობთ პარტნიორ ორგანიზაციებთან და საერთაშორისო ფინანსურ ინსტიტუტებთან, რათა დავეხმაროთ ბიზნესებს მდგრადობის გაზრდაში და ეკოლოგიურად სუფთა პოლიტიკის დანერგვაში.
თიბისი ყოველთვის მომავლისკენ იყურება. ჩვენი მოწინავე მრავალმხრივი პლატფორმით, გეოგრაფიული ციფრული საბანკო გაფართოებით და ბიზნესისა და საზოგადოების ზრდისა და მდგრადობის მხარდამჭერი ინიციატივებით, TBC პოზიციონირებულია მუდმივი ლიდერობისთვის საბანკო და საქართველოს ფარგლებს გარეთ," – აცხადებს TBC-ის გენერალური დირექტორი.
ინფორმაციისთვის, Global Finance-ის მიზანია მკითხველს გააცნოს სხვადასხვა ქვეყნის ეკონომიკური ანგარიშები, მშპ, ვაჭრობის სტატისტიკა, ასევე საუკეთესო ბანკების ჩამონათვალი და რაც მთავარია, გლობალური ფინანსური სიახლეები.
