“ბადაგონის“ ₾14 მლნ-იანი ინვესტიცია კახეთში - Alaverdi Resort-ის მშენებლობა დაიწყო

სოფელ ალავერდში პრემიუმ კლასის სასტუმრო Alaverdi Resort აშენდება. პროექტს ღვინის მწარმოებელი კომპანია "ბადაგონი" ახორციელებს. სასტუმროს 32 ნომერი,  Alaverdi Resort-ს წელიწადში 8-10 000 ვიზიტიორის მიღების შესაძლებლობას მისცემს.

როგორც "ბიზნესპარტნიორს" "ბადაგონის" დამფუძნებელმა გოგი სალაყაიამ განუცხადა, Alaverdi Resort - ი პირველ სტუმარს 2023 წლის სექტემბერში მიიღებს. მისივე განცხადებით, მომსახურება გათვლილია, როგორც საერთაშორისო ვიზიტიორებზე, ასევე საქართველოს მოქალაქეებზე. სასტუმროში იქნება განთავსებული აუზი, ბარები და რესტორანი. 

სასტუმროს მშენებლობაში კომპანია“ ბადაგონი“  14 მილიონი ლარის ინვესტიციას გეგმავს. Alaverdi Resort- ი სასტუმროს პროექტის ავტორია არქიტექტორი ზვიად სურგულაძე.კითხვაზე, ხომ არ განიხლება სასტუმროს მართვაში საერთაშორისო ოპერატორის შესვლა, ამას სალაყაია გამორიცხავს და აცხადებს, რომ Alaverdi Resort- ის მართვას სრულად ადგილობრივი მენეჯმენტი განახორციელებს. 

სასტუმროს მშენებლობის დაწყების აღსანიშნად, სიმბოლური კაფსულა საქართველოს ვიცე პრემიერმა, გარემოს დაცვისა და სოფლის მეურნეობის მინისტრმა, ლევან დავითაშვილმა და „ბადაგონის“ დამფუძნებელმა, გოგი სალაყაიამ  გუშინ ჩაუშვეს.