ავტოიმპორტიორები განბაჟების გადავადებას კიდევ ერთხელ ითხოვენ
ავტოიმპორტიორები განბაჟების ვადის გადავადებას ითხოვენ. როგორც ავტოიმპორტიორთა ასოციაციის წარმომადგენელმა „ბიზნესპარტნიორთან“ საუბრისას განმარტა, ინდუსტრია შესაბამისი განაცხადით ფინანსთა საინიტროს უახლოეს მომავალში მიმართავს.
„სამინისტროს ვთხოვთ, რომ გაგვაცნონ თავიანთი გრძელვადიანი ხედვა. ჩვენი მოთხოვნა ჯერ კიდევ ზაფხულში იყო, რომ პირველ მაისამდე და პირველი მაისის შემდეგ შემოყვანილი ავტომობილების განბაჟება მარტამდე გადაწეულიყო. თუ არ გაიხსნა ავტობაზრობა, ამასთან, საზღვარზეც ავტოდილერების შემოსვლასთან დაავშირებით მოთხოვნა არ იქნა, სექტორი პირველი მარტის შემდეგაც ისევ ფინანსური პრობლემის წინაშე რჩება. ჩვენი ერთადერთი მოთხოვნაა, რომ განბაჟების ვადა იმ დრომდე გადავადდეს, სანამ სექტორი გაჯანსაღებას არ დაიწყებს. განბაჟების ვადა მანამდე უნდა გახანგრძლივდეს, ვიდრე მუშაობა არ დაიწყება და ბაზარი არ გააქტიურდება,“ - განმარტავს ალექსი ნონიაძე.
შეგახსენებთ, რომ ავტომობილების განბაჟების ვადა 2021 წლის მარტამდეა გადავადებული. განბაჟების ვადის მეორედ გადავადების შესაბამისი გადაწყვეტილება მთავრობამ გასული წლის აგვისტოში მიიღო.
