ანაკლიის კონსორციუმის იურისტი: საარბიტრაჟო დავის გარკვეულ შედეგებს წელს ველით
ანაკლიის განვითარების კონსორციუმის უფლებადამცველის, BLC-ის მმართველი პარნიორის ინფორმაციით, ანაკლიის პორტთან დაკავშირებული საარბიტრაჟო დავის გარკვეულ შედეგებს წელს ელიან. ქეთი ქვარცხავას განმარტებით, ანაკლიის პორთთან დაკავშირებით საქართველოს მთავრობის წინააღმდეგ ორი საარბიტრაჟო დავა მიმდინარეობს.
„ერთი ანაკლიის განვითარების კონსორციუმის, მეორე კი ერთ-ერთი პარტნიორის ბობ მეიერის ინიციატივით არის დაწყებული. ეს ორი დავა პარალელურად მიმდინარეობს. უკვე დასრულდა არბიტრების შერჩევის ეტაპი. მიმდინარეობს საბუთებისა და პოზიციების მობილიზების პროცესი. ჯერჯერობით დავა აქტიურ ფაზაში არ არის შესული, თუმცა პროცესი დაწყებულია და ალბათ, წელს უკვე რაღაც კონკრეტულ შედეგებს უნდა ველოდოთ. სავარაუდოდ, წელს ბოლომდე არ იქნება დასრულებული დავა, მაგრამ ყოველშემთხვევაში უფრო აქტიურ ფაზაში ნამდვილად გადავა.“-განაცხადა ქეთი ქვარცხავამ.
