2020 წელს ავტოსატრანსპორტო საშუალებების ტექინსპექტირება 45%-ით შემცირდა

2021 წლის სამ თვეში 364 ათასამდე სატრანსპორტო საშუალების ტექინსპექტირება განხორციელდა. ეკონომიკის სამინისტროს ინფორმაციით, აქედან 249 ათასამდე ავტომობილმა მოთხოვნები დააკმაყოფილა, 114 ათასამდე დახარვეზდა, 1200- მდე ავტომობილს კი გზაზე გადაადგილება აეკრძალა.

რაც შეეხება 2019-2020 წლების სტატისტიკას: აღსანიშნავია, რომ გასულ წელს თითქმის განახევრდა იმ სატრანსპორტო საშუალებების რაოდენობა, რომლებმაც ტექინსპექტირების ცენტრებს ტექნიკური ინსპექტირებისთვის მიმართა.

საერთო ჯამში კი 2020 წელს ინსპექტირება 525 471-მა ავტომობილმა გაიარა. 2019-ში კი ეს მაჩვენებელი 968 868 ერთეული იყო. შეგახსენებთ, რომ საქართველოში ავტომობილთა სავალდებულო ტექინსპექტირება მთლიან ავტოპარკზე 2019 წლის პირველი იანვრიდან გავრცელდა.