უნდა ვიფიქროთ ვაქცინირებული ტურისტების შემოყვანაზე - ტურიზმის სექტორთან შეხვედრები გაიმართება

შემდეგი კვირიდან, საქართველოს ტურიზმის ადმინისტრაციის ჩართულობით, ტურისტული ინდუსტრიის წარმომადგენლებთან აქტიური შეხვედრები დაიწყება. 

ეკონომიკის მინისტრის თქმით, სექტორის წარმომადგენლებს ახალ წესებს გააცნობენ.

„მომდევნო კვირიდან დაიწყება შეხვედრები ტუროპერატორებთან, სასტუმროებთან, ტურისტული ინდუსტრიის სხვა წარომადგენლებთან იმისთვის, რომ გავაცნოთ მათ ეს ახალი წესები, გავინაწილოთ პასუხისმგებლობები და დავიწყოთ ფიქრი იმაზე თუ სწრაფად როგორ შემოვიყვანოთ საქართველოში პირველი ჯგუფები ვაქცინირებული უცხოელი მოქალაქეების, ვისაც საქართველოს დათვალიერება სურს,“ - განაცხადა ნათია თურნავამ.