თხილის ექსპორტიდან საქართველომ $81 მლნ-ზე მეტის შემოსავალი მიიღო

ქართულ თხილზე საერთაშორისო ბაზრებზე მოთხოვნა იზრდება.

2020 წლის 1 აგვისტოდან 2021 წლის 9 თებერვლამდე პერიოდში უცხოეთის ბაზრებზე 15.6 ათასი ტონა თხილი გაიყიდა, წლიური ზრდა 50%-ია.

თხილის ექსპორტიდან ქვეყანა, 81.2 მლნ დოლარის შემოსავალი მიიღო, რაც 52%-ით მეტია, ვიდრე 2019/2020 წლის ანალოგიურ პერიოდში.

ქართული თხილი ექსპორტზე, ძირითადად, ევროკავშირის ქვეყნებში გადის, მათ შორის ლიდერი გერმანიაა, სადაც 4 253 ტონა ქართული თხილი გაიყიდა, მეორე პოზიციაზე იტალიაა 3 823 ტონით, ჩეხეთი - 738 ტონა. ესპანეთში (445 ტონა), ლიეტუვაში (442 ტონა), საფრანგეთში (381 ტონა), პოლონეთში (376 ტონა), ბულგარეთში (345 ტონა), ლატვიაში (128 ტონა), საბერძნეთში (97 ტონა), ესტონეთში (88 ტონა), სლოვაკეთში (86 ტონა), ლუქსემბურგი (84 ტონა), ბელგია (44 ტონა) და ავსტრიასა (22 ტონა).

ქართული თხილი ექსპორტზე გადის ასევე ისეთ ქვეყნებში, როგორებიცაა სომხეთი (885 ტონა), რუსეთი (756 ტონა), თურქეთი (530), ბელარუსი (466 ტონა), უკრაინა (300 ტონა), ბრაზილია (186 ტონა), ალჟირი (185 ტონა), საუდის არაბეთი (180 ტონა),კანადა (146 ტონა), შვეიცარია (111 ტონა), მექსიკა (67 ტონა), უზბეკეთი (58 ტონა), სირია (50 ტონა), არაბთა გაერთიანებული საამიროები (44 ტონა), აზერბაიჯანი (44 ტონა), იორდანია (38 ტონა), დიდი ბრიტანეთი (35 ტონა), ისრაელი (32 ტონა), ერაყი (24 ტონა), აშშ (19 ტონა) და სხვა.