მეფუტკრეებს ფუტკრის პარაზიტებზე კვლევის ჩატარება უკვე სახელმწიფო ლაბორატორიაში შეუძლიათ

მეფუტკრეებს შესაძლებლობა აქვთ ფუტკრის მიკროსპორიდულ პარაზიტებზე კვლევისთვის სოფლის მეურნეობის სახელმწიფო ლაბორატორიას მიმართონ.

ცხოველთა დაავადებების დიაგნოსტიკის დეპარტამენტის ვირუსოლოგიისა და მოლეკულური ბიოლოგიის ლაბორატორიაში უკვე დაინერგა ფუტკრის ნოზემატოზის კვლევის მეთოდი.

ლაბორატორიის ცნობით, ნოზემა Apis და ნოზემა Ceranae წარმოადგენენ მიკროსპორიდულ პარაზიტებს, რომლებიც ახლახან კლასიფიცირდა როგორც სოკოები. ორივე სახეობა იწვევს ნოზემა სოკოვან დაავადებას Apis mellifera. დაავადებულ ფუტკარში, შესაძლებელია, ერთდროულად, ორივე ინფექცია ფიქსირდებოდეს.

სოფლის მეურნეობის სახელმწიფო ლაბორატორიაში დაავადების დიაგნოსტიკა მყისიერი პოლიმერაზული ჯაჭვური რეაქციით (PCR) ხორციელფება.

ლაბორატორიული ტესტის პრინციპი დაფუძნებულია ნოზემა Apis და ნოზემა Ceranae დნმ შემცველი გენომის მოლეკულურ დიაგნოსტიკაზე, რომელიც იძლევა საშუალებას, მოხდეს დიფერენცირება ნოზემა Apis და ასევე ნოზემა Ceranae მულტიფლექს RT-PCR სადიაგნოსტიკო ნაკრების საშუალებით.

როგორც ლაბორატორიაში აღნიშნავენ, აღნიშნული კვლევის მეთოდის დანერგვა მეფუტკრეებსა და დაინტერესებულ პირებს საშუალებას აძლევს, სწრაფად მიიღონ სრულყოფილი ინფორმაცია დაავადების შესახებ.