ქვეყანაში ყურძნის რეკორდულ მოსავალს ელიან - როგორია სუბსიდირების გეგმები

წელს საქართველოში ყურძნის რეკორდულ მოსავალს ელიან, დაახლოებით, 300 000 ტონას. გრძელდება სუბსიდირების პროგრამაც.

მთავრობის გადაწყვეტილებით, ყველა ის საწარმო, რომელიც მევენახისგან რქაწითელის და კახური მწვანეს ჯიშის ყურძენს შეისყიდის არანაკლებ 90 თეთრად, სუბსიდიის სახით მიიღებს 35 თეთრს.

გარემოს დაცვისა და სოფლის მეურნეობის მინისტრი ამბობს, რომ რთველში წელს 25 000 მევენახე და 300-მდე საწარმო იქნება ჩართული.  დარგის წახალისების ფონზე კი, როგორც ოთარ შამუგია აცხადებს მნიშვნელოვანია ღვინის ხარისხი, საექსპორტო ღვინის ხარისხს და მის შესაბამისობას არსებულ ნორმებთან საერთაშორისო კომპანიები ამოწმებენ, ქვეყანაში მიმდინარეობს  ვენახების კადასტრი. პროცესი უკვე დასრულებულია კახეთსა და რაჭა-ლეჩხუმში. "წელს, აღმოსავლეთ საქართველოში მთლიანად მოვრჩებით ამ პროცესს".

რთველის მიმდინარეობას საორგანიზაციო შტაბი გაუწევს კოორდინაციას, პროცესში ჩართულია სამინისტრო, ღვინის ეროვნული სააგენტო, ადგილობრივი ხელისუფლება.

2021 წელს საქართველომ ექსპორტზე რეკორდული რაოდენობის 107 მლნ ბოთლი ღვინო გაიზატანა. სულ შარშან, ქვეყანაში, დაახლოებით, 240 000 ტონა ყურძენი გადამუშავდა. წელს მეღვინეები დანაკარგს ელიან, რაც რუსთ-უკრაინის ომით არის განპირობებული.