ღარიბაშვილი: საქართველო დღეს უკვე ყველა პარამეტრით არის მზად გახდეს ნატოს წევრი
საქართველოს პრემიერ მინისტრმა ირაკლი ღარიბაშვილმა პარლამენტის პლენარულ სხდომაზე განაცხადა, რომ ქვეყნის უმთავრესი მიზანი ნატოში და ევროკავშირში გაწევრიანებაა. მისი თქმით, საქართველო ევროკავშირის წევრობაზე განაცხადს 2024 წელს ოფიციალურად გააკეთებს.
“ღრმავდება თანამშრომლობა ევროკავშირთან, როგორც უმაღლეს პოლიტიკურ, ასევე ინსტიტუციურ დონეზე. ასევე მაღალ დონეზეა ამერკის შეერთებულ შტატებთან უერთიერთობა, რომელიც ჩვენი ყვექნის მთავარი სტრატეგიული მოკავშირეა. ჩვენ ეფექტიანად ვიყენებთ ყველა ინსტრუმენტს ჩრდილოატლანტიკურ ალიანსში გაწევრიანებისთვის.
საქართველო დღეს უკვე ყველა პარამეტრით არის მზად გახდეს ნატოს წევრი. ავღანეთში ჩვენმა გმირმა სამხედროებმა, ნატოს მისიებში, მსოფლიოს აჩვენეს თუ რა შეუძლია ჩვენს ქვეყანას, მინდა მადლობა გადავუხადო გმირ სამხედროებს, რომლებიც დაკისრებულ მისიას ასრულებენ და სამშობლოში ბრუნდებიან” განაცხადა ირაკლი ღარიბაშვილმა.
