თბილისის ელმავალმშენებელი ქარხანა ₾48.8 მლნ-ად იყიდება

აღსრულების ეროვნული ბიურო, თბილისში გურამიშვილის გამზირზე, N84-ში  მდებარე სააქციო საზოგადოება “ელმავალმშენებლის” უძრავ და მოძრავ ქონებას ყიდის. 

eauction.ge-ზე გამოქვეყნებული განცხადებიდან ხდება ცნობილი, აქტივის გასაყიდი ფასი 48.8 მილიონი ლარია. აუქციონი 2 მარტს დაიწყო და  9 მარტს სრულდება. 

სს „ელმავალმშენებელი“ 1998 წელს დარეგისტრირდა.

საერთაშორისო გამჭირვალობა საქართველოს ინფორმაციით, 2019 წლის 31 დეკემბრის მდგომარეობით, ამ კომპანიის აქციების 87%-ის მფლობელი ოფშორში, მალტაზე რეგისტრირებული კომპანია შპს „ლოკო ტრანს კომპანია“, 12.8%-ს საქართველოს სახელმწიფო ფლობს, 0.2%-ს კი შრომითი კოლექტივი. 

„ელმავალმშენებლის“ ძირითადი საქმიანობა მაგისტრალური ელმავლების მშენებლობა, სათადარიგო დეტალების დამზადება და ელმავლების კაპიტალური შეკეთებაა.