ეკონომიკა
26/04/2022
ირაკლი ქარსელაძე: განვადებით მშენებლობის პროგრამის განხორციელება მაისში დაიწყება
რეგიონული განვითარებისა და ინფრასტრუქტურის მინისტრის ირაკლი ქარსელაძის ინფორმაციით, განვადებით მშენებლობის პროგრამა მაისში დაიწყება.
"დაგეგმილია, რომ მაისში დაიწყება შესაბამისი ინფორმაციის გაზიარება, გამოცხადებები და ა.შ", - აღნიშნა ირაკლი ქარსელაძემ.
მისი თქმით, ეს მასშტაბური პროექტია და გათვალისწინებულია 2 მლრდ ლარი.
"რეალურად ეს კერძო სექტორისთვის კარგი საშუალება იქნება, რომ საკუთარი შესაძლებლობები კიდევ უფრო განავითარონ - გამოცდილებები, ასევე მატერიალურ-ტექნიკური ბაზა. პროექტების განხორციელება წელსვე დაიწყება, ისე, რომ საბოლოოდ ქვეყანას ექნება უფრო განვითარებული და მოწესრიგებული ინფრასტრუქტურა", - აცხადებს ირაკლი ქარსელაძე.
