ტესლას ბატარეების მიმწოდებელი 16-წლიანი გამძლეობის ბატარეის შექმნაზე აცხადებს
ტესლას ბატარიის მომწოდებელი ამბობს, რომ დაამზადებს ისეთ ბატარიას, რომლის გამძლეობა 16 წელი იქნება 1 მილიონი მილის გავლის შესაძლებლობით.
Businessinsider-ი ტესლას ბატარიის მომწოდებელზე დაყრდნობით ავრცელებს ინფორმაციას, რომ კომპანიას მნიშვნელოვანი წინსვლა აქვს ბატარეების ტექნოლოგიაში, რომლის შედეგადაც ელექტრო მანქანების მზარდი გაყიდვები მომავალშიც გაგრძელდება.
გამოცემის ცნობით, Contemporary Amperex Technology Ltd., მანქანის ბატარეების მომწოდებელი ჩინური გიგანტი, რომელიც ბატარეებს ტესლასა და ვოლკსვაგენს აწვდის, მზადაა აწარმოოს ბატარეა, რომელიც 16 წელსა და 2 მილიონ კილომეტრს გაძლებს- განუცხადა კომპანიის თავმჯდომარე ჟენგ იუქუნმა ბლუმბერგს. ჟენგი ამბობს, რომ კომპანია მზადაა ბატარეების შეკვეთების მისაღებად. მან დაამატა, რომ ახალი ბატარეა სტანდარტული ელექტრომანქანის ბატარიასთან შედარებით 10%-ით უფრო ძვირი იქნება.
ბატარეების ხანგრძლივობა ერთ-ერთი მთავარი მიზეზია, რაც ხელს უშლის ელექტრომანქანების ფართომასშტაბიან ადაპტაციას. ახალმა ბატარეებმა კი შესაძლოა ეს შეზღუდვა მოხსნან და ინდუსტრიაზე გადატრიალება მოახდინონ. ბატარეა ელექტრომანქანის ყველაზე ძვირადღირებული ნაწილია. ახალი ბატარეების გაზრდილი სიცოცხლის ხანგრძლივობა კი თავის მხრივ შეამცირებს ავტომანქანების ფასს. ბლუმბერგი ამბობს, რომ ელექტრომანქანების ბატარეების გარანტია მოიცავს 150,000 მილს, 8 წელს.
