Tesla-ს ახალი ქარხნები მილიარდობით დოლარს კარგავენ
ილონ მასკი აცხადებს, რომ გერმანიასა და აშშ-ში Tesla-ს ახალი ქარხნები მილიარდობით დოლარს კარგავენ.
მიზეზად მილიარდელი ბატარეის დეფიციტს და ჩინეთში მიწოდების შეფერხებას ასახელებს.
ჩინეთში Covid-19-ის გამო დაწესებულმა შეზღუდვებმა, მათ შორის შანხაიში, სადაც Tesla-ს უზარმაზარი ქარხანა აქვს, მწარმოებლებს მუშაობა უფრო მეტად გაურთულა.
"როგორც ბერლინი, ასევე ოსტინის ქარხნები ახლა გიგანტური ფულის ღუმელია. უდიდესი ხარჯებია და თითქმის არანაირი გამომუშავება. ეს ყველაფერი სწრაფად გამოსწორდება, მაგრამ დიდ ყურადღებას მოითხოვს"–განაცხადა ელექტრო მანქანების მწარმოებლის აღმასრულებელი დირექტორი.
ჩინეთის ხელისუფლებამ, Covid-19 ინფექციების გაზრდის საპასუხოდ, მისი რამდენიმე ქალაქი ამ წლის დასაწყისში ჩაკეტა. მკაცრი შეზღუდვები დაწესდა ხალხისა და მასალების გადაადგილებაზეც.
როგორც BBC წერს, ამის შესახებ ინტევიუ ილონ მასკმა ჯერ კიდევ 1 თვის წინ ჩაწერა, თუმცა ეს ამბავი აქამდე არ გახმაურებულა.
