Sony ვიდეო თამაშების დეველოპერ Bungie-ს $3.6 მლრდ-ად ყიდულობს

Sony Group Corp.-ი Destiny-ს მწარმოებელ ვიდეო თამაშების დეველოპერ კომპანია Bungie-ს $3.6 მლრდ-ად ყიდულობს.

ამრიგად, PlayStation-ის მწარმოებელი Sony აძლიერებს კონკურენციას Xbox-ის მწარმოებელ Microsoft-თან.

ორშაბათს გამოცხადებული გარიგება Sony Interactive Entertainment-ის მიერ ბოლო 1 თვის განმავლობაში მესამე მნიშვნელოვანი შესყიდვაა ვიდეო თამაშების სამყაროში, მას შემდეგ, რაც Microsoft Corp.-მა Activision Blizzard-ი $69 მლრდ-ად იყიდა და Take Two Interactive Corp.-ის მობილური თამაშების ლიდერი Zynga 10 იანვარს.

Sony ცნობილია თავისი ძვირადღირებული ერთმოთამაშიანი თამაშებით, როგორიცაა God of War, Ghost of Tsushima, The Last of Us და Ratchet & Clank: Rift Apart.

Bungie-ს შეძენა Sony-ს მისცემს ერთ-ერთ ყველაზე პოპულარულ "პირველი პირის შუტერ თამაშს", რომელიც კონკურენციას გაუწევს მასიური Call of Duty სერიებს, რომელსაც Sony-ის მთავარი კონკურენტი ახლა Activision-ის მეშვეობით ფლობს.

ინფორმაციისთვის, Bungie ქმნის პოპულარულ თამაშის ფრენჩაიზს Destiny და იყო Xbox-ის საკუთრებაში არსებული Halo-ს ორიგინალური დეველოპერი.

Bungie-მ საქმიანობა 1991 წელს ჩიკაგოში დაიწყო და ახლა კომპანიაში დასაქმებულია დაახლოებით 900 ადამიანი. Bungie დაფუძნებულია Microsoft-ის შტაბ-ბინიდან არც თუ ისე შორს, რედმონდში, ვაშინგტონში. ხოლო Sony-ს ვიდეო თამაშების განყოფილება მდებარეობს სან მატეოში, კალიფორნიაში.

აღსანინშნავია, რომ Microsoft–მა Bungie 2000 წელს იყიდა, მაგრამ მოგვიანებით, 2007 წელს დატოვა თამაშის სტუდია და შეინარჩუნა ინტელექტუალური საკუთრების უფლება Halo ფრენჩაიზის შესახებ.