საუდის არაბეთის მინისტრი: ინვესტიციების ნაკლებობამ ენერგომატარებლები გააძვირა
საუდის არაბეთის ენერგეტიკის მინისტრი, პრინც აბდელ აზიზ ბინ სალმან ალ საუდი ენერგომატარებლების გაძვირების მიზეზად ინვესტიციების ნაკლებობას ასახელებს.
ერ-რიადში ნავთობისა და გაზის ტექნოლოგიების მე-14 საერთაშორისო კონფერენციასა და გამოფენის გახსნაზე საუდის არაბეთის ენერგეტიკის მინისტრმა ასევე აღნიშნა, რომ ნავთობისა და გაზის სფეროში ინვესტიციების ნაკლებობა საფრთხეს უქმნის ენერგეტიკულ უსაფრთხოებას. მისი თქმით, სწორედ ამან გამოიწვია ბაზარზე ვითარების გაუარესება და ნავთობის ფასის ზრდა.
"ჩემი აზრით, ნავთობსა და გაზში ინვესტიციის შემცირების კამპანია ახლო პერსპექტივისაა“, – განაცხადა მან.
ნავთობპროდუქტების იმპორტიორთა ასოციაცია მინისტრის სიტყვებს ციტირებს: სამეფოს ხელისუფლება “აგრძელებს ინვესტიციების განხორციელებას საწარმოო სიმძლავრეებში” ნავთობისა და გაზის სფეროში, ასევე განახლებადი ენერგეტიკის სფეროში.
