რუსეთ-უკრაინის კონფლიქტის ფონზე ევროპული აქციების ფასი დაეცა

უკრაინაზე რუსეთის თავდასხმის შემდეგ ევროპული აქციების ფასი მკვეთრად დაეცა - ამის შესახებ CNN წერს. 

ამერიკული გამოცემის თანახმად, საფონდო ბირჟების გახსნისა და ვაჭრობის პირველ წუთებში The Financial Times Stock Exchange 100 Index 2.5%-ით დაეცა, ხოლო ფრანგული CAC 40 (საფონდო ბირჟის ინდექსი) და გერმანიის Dax (საფონდო ბირჟის ინდექსი) 4%-ით გაუფასურდა. 

ცნობისთვის, ვლადიმერ პუტინის გადაწყვეტილებით, რუსეთი უკრაინაში შეიჭრა და სამხედრო მოქმედებების განხორციელება დაიწყო. საომარი მდგომარეობა გამოაცხადა უკრაინამაც.