პანდემიის პარალელურად ტექნიკური გიგანტების მოგება მილიარდობით იზრდება

ტექნიკური გიგანტების განაცხადებით, კომპანიების მოგებამ მოიმატა, რადგან პანდემიის მიუხედავად მომხმარებლები აახლებენ მოწყობილობებს და აქტიურად არიან ჩართული ონლაინ გაყიდვებში. 

BBC-ის ინფორმაციით, Apple-ის მოგება გაორმაგდა და $21,7 მლრდ შეადგინა, რაც ახალი 5G თაობის iPhone-ებზე მზარდ მოთხოვნას უკავშირდება. ამან ასევე ხელი შეუწყო კომპანიის სატელევიზიო და მუსიკალური სერვისების ციფრული გამოწერების ზრდას.

Microsoft-მა იმავდროულად $16.5 მლრდ-ის მოგება ნახა, რაც 47%-ით მეტია წინა წელთან შედარებით.

Google-ის მშობელმა კომპანიამ, Alphabet მა, სამშაბათს ასევე განაცხადა, რომ კვარტალური გაყიდვები და მოგება რეკორდულად გაიზარდა. ეს დიდწილად გამოწვეული იყო ონლაინ რეკლამირების ხარჯების გაზრდაზე, რომელიც მიზნად ისახავს, შეზღუდვების ფონზე, მომხმარებელთა ონლაინ ვაჭრობაში ჩართვას.  

მაგალითად, პლატფორმა YouTube- ზე, რეკლამების შემოსავლებმა $7 მლრდ–იანი ნახტომი აჩვენა, – წერს BBC-ი.