Microsoft-მა Teams-ში ახალი ფუნქციები დაამატა
Microsoft Teams App-ში დეველოპერებმა დაამატეს ფუნქცია, რომლის საშუალებითაც მომხმარებლები ინტერაქციული ვებინარების ჩატარებას 1000-მდე ადამიანის მონაწილეობით შეძლებენ.
განახლება პრეზენტაციების ჩატარების, ვებინარებზე რეგისტრაციის ორგანიზების, მათი ადმინისტრირების, აგრეთვე ღონისძიების შედეგების შესახებ ანგარიშების შექმნის ახალ შესაძლებლობებს მოიცავს. გარდა ამისა, როგორც Microsoft-ში ამბობენ, watch only რეჟიმის გამოყენებით, ვებინარების ყურება 20,000-მდე ადამიანს შეეძლება.
Teams-ის განახლებებს შორისაა PowerPoint Live-იც. სპიკერებისთვის ჩანიშვნები, სლაიდები, ჩეთი და მონაწილეთა სია ერთ ფანჯარაში იქნება ხელმისაწვდომი, ხოლო მაყურებელი შეძლებს შეცვალოს ნახვის სიჩქარე და კონტრასტულობა.
Microsoft-მა teams ზარებისთვის გამჭოლი დაშიფვრის დამატების გეგმების შესახებაც განაცხადა, რაც ბიზნეს-მომხმარებლებისთვის სატესტო რეჟიმში ხელმისაწვდომი 2021 წლის პირველ ნახევარში გახდება.
